Shkruan: Besa Ismaili
Gjithmonë më ka habitur logjika dhe mendimi i disa zyrtarëve të Ministrisë së Arsimit ndër vite.
Sot, në një debat televiziv të mëngjesit, një prej tyre thoshte: “Fëmijët migruan sepse nuk pati çerdhe, shkolla dhe nuk pati infrastrukturë.”
Pak minuta më vonë, po thoshte:
“Po si të bëhet infrastruktura dhe çerdhja në një vend ku nuk ka fëmijë?”
E pra, këtu është problemi.
Nëse fëmijët ikën sepse munguan çerdhet dhe infrastruktura, atëherë detyra e një qeverie është të ndërtojë kushtet që i bëjnë familjet të qëndrojnë dhe të kthehen.
Jo të përdorë mungesën e fëmijëve si arsyetim për të mos investuar.
Duhet plan për të ndalur largimin, për të krijuar kushte për rikthim dhe për ta bërë Kosovën vend ku familjet duan të jetojnë e të rrisin fëmijët.
Nëse mungon plani i rikthimit, mungon edhe vizioni. Ndërsa kur mungon vizioni, mbetet vetëm një gjë: justifikimi politik i dështimit.
Dhe LVV është dëshmuar kampione në justifikime politike të dështimeve!
Talenta se jo mahi!
