Tottenham Hotspur ka marrë pikët e 10-ta këtë edicion në Premier League.
Skuadra e drejtuar nga Antonio Conte, Tottenham ka shënuar fitore me rezultat 0:2, në udhëtimin ndaj Nottingham Forest.
Spurs zhbllokuan sfidën herët në minutën e 5’, kur një top të pranuar nga Dejan Kulusevski, Harry Kane e dërgoi në rrjetën e kundërshtarit.
Kane mund të kishte dyfishuar epërsinë e Tottenham në minutën e 56’, por Dean Henderson priti penalltinë e tij.
Megjithatë, kapiteni i Tottenham gjeti golin e dytë personal në minutën e 81’, kur me kokë shënoi për 0:2, në një top të dhënë nga Richarlison.
Spurs mbajnë tashmë pozitën e tretë, me pikë baras me Man City, por me dy pikë më pak sesa Arsenal.
Nottingham mbeten në kuotën e katër pikëve në katër ndeshje të luajtura.
