Ministri i Punëve të Brendshme është takuar me homologun e tij nga Shqipëria, Taulant Balla në Tiranë.
Gjatë këtij takimi ata u pajtuan që Policisë së Kosovës t’i shtohet Taskforca e Përbashkët e Migracionit, shkruan lajmi.net.
“Ministri Svela, në këtë takim, ka shprehur gatishmërinë e plotë të Republikës së Kosovës për të bashkuar forcat në Taskforcë të Përbashkët të Migracionit. Qëllimi i kësaj nisme është koordinimi i veprimeve në kontrollin e migracionit, ndërtimi i baza të të dhënave dhe zhvillimi i hetimeve të përbashkëta për të reduktuar lëvizjet e paligjshme dhe krimin e organizuar në këtë fushë”, u tha në njoftimin e Ministrisë.
“Pjesëmarrja e Republikës së Kosovës në këtë Taskforcë të përbashkët dëshmon përkushtimin e qeverisë për sigurinë rajonale dhe për adresimin e sfidave të kriminale të migracionit. Ministri z.Xhelal Sveçla ka shprehur entuziazëm për takimin e ardhshëm që do të mbahet në Prishtinë, i cili është pranuar me shumë entuziazëm nga pjesëmarrësit”, u tha më tutje në njoftim.
Lidhur me këtë janë prezantuar edhe arritjet e deri tanishme të taskforcës, si dhe planifikimet e ardhshme të tyre.
