Jursitja e medias, Flutura Kusari, ka reaguar pas vendimit të Gjykatës Themelore në Prishtinë për caktimin e një muaji paraburgim ndaj Gani Gecit, për kanosjen ndaj gazetarit Lirim Mehmetaj.
Kusari e ka cilësuar këtë veprim si një hap institucional të rëndësishëm që dëshmon profesionalizmin dhe pavarësinë e gjyqësorit.
“Kështu ndodh kur ka gjyqtarë të pavarur që e kuptojnë rëndësinë e lirisë së shprehjes dhe të medias”, ka shkruar Kusari.
Tutje, Kusari ka nënvizuar se ky vendim i Gjykatës Themelore në Prishtinë shpalos një mesazh të qartë kundër dhunës dhe presionit ndaj gazetarëve në ushtrimin e profesionit të tyre.
“Ky është një sinjal i qartë nga Gjykata Themelore në Prishtinë në favor të sigurisë së gazetarëve dhe mbrojtjes së së drejtës së tyre për të ushtruar profesionin pa presione dhe kërcënime”, është shprehur Kusari.
