Kevin Spacey mohon se ka sulmuar seksualisht tre burra. Aktori doli para gjykatës në Londër sot pas akuzave se ka abuzuar seksualisht me tre burra. Aktori fitues çmimit Oscar buzëqeshi teksa doli nga Mercedesi dhe hyri në Gjykatën e Westminsterit, shoqëruar nga dy oficerë policie dhe ekipi i tij ligjor.
Çështja u shty dhe aktorit iu dha lirimi pa kusht deri në seancën e radhës. Kjo do të thotë se është i lirë të fluturojë në shtëpi në SHBA – përpara seancës paraprake në Gjykatën e Kurorës Southwark më 14 korrik. Patrick Gibbs, i cili e mbron, tha: “Z. Spacey mohon me forcë çdo kriminalitet në këtë rast.”
Veprat e supozuara ndodhën midis 2005 dhe 2013. Akuzat janë: Dy akuza për sulm seksual ndaj një burri, tani në të 40-at, në 2005 në Londër; Sulm seksual ndaj një burri, tashmë në të 30-at, në 2008 në Londër; Sulm seksual ndaj një burri, tani në të 30-at, në prill 2013 në Gloucestershire.
