Piloti ukrainas fluturon mbi pemë që të mos e “kapë” raketa (Video)

Ukraina është një mjedis ekstrem armiqësor për pilotët luftarakë, qofshin ata rusë apo ukrainas.

Sistemet e raketave tokë-ajër mbulojnë qiejt, duke filluar nga MANPAD-të “Stinger” deri te SAM-et e avancuara S-300 dhe S-400 me rreze të gjatë veprimi.

Avionët që kryejnë role sulmi tokësor përfshijnë Su-25 “Frogfoot”, një avion që po përdoret nga të dyja palët në këtë luftë, raporton BBC.

Për shkak të kërcënimit, pilotët shpesh fluturojnë ulët dhe shpejt për të shmangur kërcënimin e paraqitur nga sistemet raketore.

Dhe një video që është shfaqur në mediat sociale tregon sesi piloti ukrainas fluturon shumë ulët, gati mbi pemë për të shmangur rrëzimin.