Presidentja e Republikës së Kosovës, Vjosa Osmani ka thënë se gjatë vizitës në New York ka takuar studentë nga Kosova, Shqipëria e diaspora.
Në postimin e bërë në platformën “X”, Osmani ka thënë se këta studentë mëshirojnë thelbin e rinisë.
Ajo është e bindur se studentët shqiptarë do të kenë ndikim.
“Derisa isha në Nju Jork, pata kënaqësinë të takoj një grup të jashtëzakonshëm studentësh nga Kosova, Shqipëria dhe diaspora jonë, që aktualisht studiojnë në disa nga universitetet më prestigjioze të Ivy League në Shtetet e Bashkuara”, ka shkruar Osmani në “X”.
“Nga studimet e politikave te neuroshkenca, ata mishërojnë thelbin e rinisë sonë: potencialin e pakufishëm. Jam e bindur se do të lënë një ndikim të qëndrueshëm, si në shtëpi ashtu edhe në skenën globale”, ka shkruar Osmani në X”.
