Deputetja e PDK-së, Ganimete Musliu, ka vizituar sot Shoqatën e Lidhjes dhe Invalidve të Viktimave Civile dhe të Zhdukurve në Kosovë.
Ajo ka bërë me dije se kjo kategori nuk po përkrahet sa duhet nga Qeveria e Kosovës.
Në profilin e saj në “Facebook”, Musliu ka shkruar se kërkesat e tyre janë të drejta dhe modeste.
“Sot qendrova në Shoqatën LIVCZHK- se (Lidhjes dhe Invalidve te Viktimave Civile dhe të Zhdukurve në Kosovë). Fatkeqësish edhe 25 vjetë pas çlirimit këto kategori nuk gjëjnë përkrahje nga shteti ynë. Kërkesat e tyre janë të drejta dhe modeste. Ne bashkëbiseduam për shumë gjëra e shumë probleme që kanë këto gra dhe shumë të tjera gjithandej Kosovës. Impresionuese ishte murëkuptimi dhe qasja e tyre pozitive e dashamirëse. Uroj që në takimet e radhës të kemi rezultate konkrete”, ka shkruar Musliu.
