Latifi: Kurti jo që nuk do që ta ndajë pushtetin e ekzekutivit me një parti tjetër, por do edhe kontrollin e Presidentit dhe Kryeprokurorit

Profesori Blerim Latifi, ka thënë se Albin Kurti nuk është i interesuar që pushtetin e ekzekutivit ta ndajë me ndonjë tjetër politike.

Pos kësaj, ai thotë se Kurti do edhe Presidentin e kryeprokurorin ta ketë nën kontroll.

“A është në gjendje Kurti që të bëjë gjeneroz dhe të heqë dorë nga një pjesë e pushtetit që ai po thotë që ia ka dhënë populli. Kurti nuk është i interesuar me i dhënë pushtet nga ekzekutivi një subjekti tjetër politik,  ai është interesuar që ta ketë të vetin, edhe kryeprokurorin. Kurti po do të ketë kontroll të plotë mbi gjitha institucionet e Kosovës”, ka thënë ai në Pressing.