Opinionisti Vehbi Kajtazi ka deklaruar se nëse subjekti më i madh politik nuk e shfrytëzon të drejtën për të propozuar kandidatin për kryetar të Kuvendit të Kosovës, atëherë kjo mundësi mund t’u kalojë subjekteve të tjera.
Duke folur në emisionin “Rubikon” në Klan Kosova, Kajtazi tha se përgjegjësia kryesore për propozimin e kryetarit të Kuvendit i takon subjektit më të madh politik, por theksoi se mosshfrytëzimi i kësaj të drejte hap mundësi për veprim nga të tjerët.
Ai shtoi se nëse kryetari i LVV-së, Albin Kurti, nuk e propozon kandidatin brenda afatit të paraparë, atëherë mund të veprojë partia e dytë.
Janë 120 deputetë, Albin Kurti është njëri prej tyre, e gëzon një të drejtë për ta propozuar Kryetarin e Kuvendit. Nesër në ora 12 nuk e shfrytëzon këtë të drejtë, mundet me propozu partia e dytë. Këta munden me u mbledhur sonte, nesër, me propozuar dhe me zgjedh kryetarin e Kuvendit. Në momentin që kalon 30 ditëshi, e propozojnë të tjerët”, deklaroi Kajtazi.
