Lamine Yamal këmbëngul se e sheh të ardhmen e tij vetëm me Barcelonën.
17-vjeçari pranon se dëshiron të bëhet një “legjendë” e klubit katalunas.
“Këtë vit kur marr topin, ndjej se tribunat fillojnë të bërtasin dhe kjo më motivon shumë”, filloi ai në një intervistë për LALIGA World.
“Unë kam tendencën të shikoj mbrojtësin e krahut dhe të shkoj për të me gjithë fuqinë time. Është një ndjenjë që nuk e kam pasur kurrë më parë”.
“Është sikur nëna ime të ishte përballë meje dhe të më thoshte të shkoja drejt kundërshtarit: është një ndjenjë që nuk mund të përshkruhet, por është e pabesueshme”.
Dhe duke folur për shkrimin e emrit të tij në librat e historisë së Barcelonës, ai gjithashtu tha: “Do të doja të mbahesha mend në historinë e Barçës si një legjendë”.
“Falë Barcelonës jam ky që jam. Më ka dhënë gjithçka. Jeta ime varet nga futbolli dhe Barça dhe shpresoj të qëndroj me ta për gjithë jetën”, ka shtuar më tej sensacioni spanjoll.
