Ish-deputetja e PDK-së, Besa Ismaili Ahmeti, ka folur për rastin e Arlinda Zekajt,gruas që dyshohet se u vra nga kunati i saj, duke e cilësuar atë si një dështim të shtetit dhe të shoqërisë.
“Ti ke të bësh me një grua që i di të drejtat e saj, i kërkon, por shteti ia mbyll derën, sytë dhe veshët”, u shpreh Ismaili Ahmeti.
Ajo tha se rasti përbën një përjetim të rëndë në aspektin politik dhe sociologjik, duke theksuar se e kishte përjetuar rëndë edhe personalisht.
“Mendoj se ka qenë një përplasje e tmerrshme që e kemi përjetuar edhe në aspektin politik e sociologjik. Dështim në provim i shtetit, i shoqërisë dhe i neve si aktiviste. E kam përjetuar rëndë. Kam menduar se nuk do të kishte ditë më të rënda se ajo, por ajo që pamë më pas, sa vinte e rëndonte situatën edhe më shumë”, deklaroi ajo në “Politiko”.
