Deputetja e LDK-së, Hykmete Bajrami, ka kritikuar situatën politike në Kosovë, duke e cilësuar si të pakuptimtë mundësinë e shkuarjes sërish në zgjedhje.
Bajrami ka thënë se arsyetimet për moskonstituimin e Kuvendit po e mbajnë vendin pa institucione funksionale.
“Tash thonë: nuk e konstituojmë Kuvendin pa marrëveshje për Presidentin, sepse nëse s’ka marrëveshje, vendi shkon në zgjedhje”.
Ajo ka kundërshtuar këtë logjikë, duke theksuar se moskonstituimi i Kuvendit, sipas saj, çon po ashtu drejt zgjedhjeve.
“Po nëse nuk e konstituoni Kuvendin, vendi prapë shkon në zgjedhje. Atëherë, çfarë po përpiqeni të shmangni?”
Deputetja e LDK-së ka ngritur pyetje edhe për kryeministrin në detyrë, Albin Kurti.
“Çka po don Albin Kurti? Pse po e shtyn vendin vazhdimisht drejt zgjedhjeve?”.
Në fund, Bajrami ka thënë se qytetarët kanë të drejtë të kërkojnë përgjigje për situatën politike.
“Që tri herë po shkojmë në zgjedhje, për të përfunduar përsëri në zgjedhje”.
