Presidentja e Komisionit Evropian, Ursula von der Leyen do të qëndrojë sot për vizitën në Kosovë.
Ajo sot do të takohet me presidenten e vendit, Vjosa Osmani.
Sipas njoftimit, takimi me Von der Leyen me presidenten Osmani do të fillojë në ora 13:15.
Presidentja e KE-së do të takohet edhe me kryeministrin, Albin Kurti.
“Ky do të jetë një rast për të diskutuar bashkëpunimin dypalësh dhe veçanërisht për t’u prezantuar më në detaje udhëheqësve rajonalë Planin e Rritjes së BE-së për Ballkanin Perëndimor. Të hënën ajo do të udhëtojë për në Prishtinë, ku do të takohet me Presidenten dhe kryeministrin e Kosovës, Vjosa Osmani dhe Albin Kurti.” – thuhet në njoftim që ka lëshuar Zyra e Bashkimit Evropian në Kosovë.
Von der Leyen gjithashtu do të vizitojë edhe Maqedoninë e Veriut, Mal të Zi, Serbi dhe Bosnjë e Hercegovinë.
