Vashat e Barcës i përshëndetin ato të Realit me një “pesëshe në kajmak”

Barcelona ka fituar Superkupën e Spanjës për femra duke mposhtur me rezultat të thellë Real Madridin 5 me 0.

Inspirimi i vashave katalunase për këtë rezultat të thellë erdhi si duket pas triumfit të skuadrës së Hansi Flick, me rezultat 2:5 ndaj “Los Blancos” në “El Clasicon” e vlefshme për Superkupen e Spanjes në kategorinë e meshkujve.

Golat e ndeshjes u shënuan nga Hansen në minutën e 31-të, Pajor në minutat e 37-të dhe 45-të, Guijarron në minutën e 62-të dhe Putellas në minutën e 85-të, duke e vulosur fitoren e “Blaugraneve”.