Edhe kryetari i PD-së, Lulzim Basha nuk i ka rezistuar dot pjesëmarrjes në “podcast”-e, tashmë të kthyera në trend për shumë politikanë.
Së fundmi ai ka marrë pjesë në një podcast të transmetuar në profilin e tij zyrtar në Facebook, ku ndër të tjera është pyetur edhe për një “teori konspiracioni” që qarkullon së fundmi.
Sipas kësaj teorie, në zgjedhjet e ardhshme, vendi do e shohë Bashën si kryeministër, me Edi Ramën si president.
Një teori është që në zgjedhjet e ardhshme Basha do jetë kryeministër dhe Rama president…
Basha: Pjesa e parë është e vërtetë, për pjesën tjetër, Rama duhet të japë llogari për keq-qeverisjen.
Teksa u pyet se cili është dëmi më i madh që sipas tij, Edi Rama, i ka bërë vendit, Basha tha:
“Shpopullimi është dëmi më i madh që Edi Rama i ka bërë Shqipërisë, është dëmi më i rëndë, largimi masiv, zbrazja e Shqipërisë. Në radhë të parë duhet të krijojmë mundësi për shqiptarët”.
