Kryeministri i Republikës së Kosovës, Albin Kurti, bashkë me kabinetin qeveritar sot kanë bërë homazhe në Kompleksin Memorial “Dëshmorët e Kombit” në Gllogjan.
Sot bëhen 25 vjet nga zhvillimi i betejës së Ushtrisë Çlirimtare të Kosovës në Gllogjan, që ndryshe njihet Epopeja e Dukagjinit.
Kurti me këtë rast ka lënë edhe një shkrimë kushtuar të rënëve të Epopesë së Dukagjinit.
Ky është shkrimi:
“Dëshmorët e Kombit janë kushti dhe mundësia e lirisë që gëzojmë, dhe, dëshmia historike e popullit shqiptar për të jetuar në paqe në vendin e vet. lavdi dëshmorëve të Epopesë së Dukagjinit, të UÇK-së e mbarë kombit tonë në të gjitha kohët”
Më 24 mars 1998 në Gllogjan është zhvilluar beteja frontale nga forcat e UÇK-së dhe forcave të armikut, të cilat e kishin rrethuar Gllogjanin. Synim kishin shtëpinë e familjes Haradinaj, ku hasën në rezistencë të fuqishme. Në këtë ditë ranë dëshmorë Himë Haradinaj, Gazmend e Agron Mehmetaj.
