Eugen Cakolli nga KDI, ka reaguar në lidhje me tentimin për hapjen e të gjitha kutive të votimit me fletëvotimet e dërguara nga votuesit jashtë Kosovës përmes postës, çështje e cila ishte në rëndin e ditës në mbledhjen e KQZ-së.
Cakolli ka thënë se është gabim nga ana e KQZ-së nëse merren me të gjitha votat për shkak të ‘‘disa votave’’.
Ai ka thënë se një gjë e tillë mund të cenojë integritetin zgjedhor.
‘‘Kjo tendenca që për shkak të “disa votave” me u marrë me TË GJITHA votat, është qasje e gabuar e KQZ-së që mund ta cenojë integritetin zgjedhor.
Sigurisht, çdo parregullsi duhet trajtuar seriozisht dhe në përputhje me ligjin. Por, trajtimi duhet të jetë proporcional dhe i fokusuar vetëm në rastet specifike të pretenduara – jo përmes masave drastike që vënë në dyshim procesin dhe minojnë panevojshëm besimin e publikut në rezultatin e zgjedhjeve’’, ka shkruar ai.
