- Advertisement -
Po vazhdon edhe sot protesta e serbëve të cilët janë mbledhur para objektit të komunës në Zveçan për të shprehur pakënaqësinë e tyre, siç thonë ata ‘pushtimin e ndërtesës nga Policia e Kosovës’.
Protestuesit sot mbajnë në duar pankarta me mbishkrim ‘paqe dhe liri’.
KFOR-i vazhdon të qëndroi i vendosur para objektit të komunës, ndonëse në numër më të vogël se ditët e kaluara.
Aktualisht situata është e qetë ndërsa kohë pas kohe protestuesit lëshojnë muzikë me përmbajtje dhe thirrje nacionaliste.
Në anën tjetër Policia e Kosovës vazhdon të qëndroi brenda në komunë ndërsa automjetet e blinduara të tyre po ruhen nga KFOR-i pasi që ndodhen brenda kordonit të sigurisë.
