Premtoi 160, s’i realizoi as gjysmën | Kurti zotohet se “do të shtohet numri i çerdheve”

Kandidati për kryeministër, Albin Kurti, nga tubimi zgjedhor në Gjakovë, është zotuar sërish se do të rritet numri i çerdheve në Kosovë, ndonëse qeveria e tij më parë kishte premtuar ndërtimin e 160 çerdheve, premtim që nuk është realizuar as përgjysmë.

Gjatë fjalimit para mbështetësve, Kurti tha se shtimi i çerdheve është i domosdoshëm për punësimin e grave.

“Do ta shtojmë numrin e çerdheve, sepse që të punojnë gratë, ato do të duhet që të kenë çerdhe t’i dërgojnë fëmijët”, deklaroi Kurti.