Oligarku serb, Bogoljub Kariq është i vetmi shtetas serb që është nën sanksionet e Këshillit të Evropës në kuadër të sanksioneve kundër Rusisë dhe Bjellorusisë.
“U befasova shumë kur mësova se emri im është në listën e sanksioneve të Këshillit Evropian, kanë kaluar dy vjet nga përfundimi i projektit të ndërtimit në Bjellorusi, të cilin e ndërtuam pasi fituam një tender ndërkombëtar, i cili përmendet si shembull i bashkëpunimit sllav”, kështu ka reaguar sot sipërmarrësi serb Bogoljub Kariq, shkruajnë mediat serbe.
“Kariq është i afërt me Lukashenkon dhe njerëz të afërt me të”
Sanksionet përfshijnë 65 individë dhe 18 subjekte, si dhe përgjigjen e Evropës ndaj pushtimit të Rusisë në Ukrainë dhe veprimeve të tjera që “minojnë ose kërcënojnë integritetin territorial, sovranitetin dhe pavarësinë e Ukrainës”.
“Së bashku me anëtarët e familjes së tij, ai zhvilloi një rrjet të kompanive të pasurive të paluajtshme në Bjellorusi dhe një rrjet kontaktesh me familjen e Alexander Lukashenkos.
Ai është veçanërisht i lidhur ngushtë me Dana Holdings, si dhe Dana Astro, një ish-degë e Dana Holdings, zhvilluar nga një kompani e lidhur me Kariqin, si një shembull i bashkëpunimit midis botës sllave. Falë këtyre lidhjeve të ngushta me Lukashenkon dhe njerëzve të afërt me të, kompanitë e lidhura me Kariqin morën trajtim preferencial nën regjimin e Lukashenkos, duke përfshirë lehtësirat e taksave dhe pasuritë e paluajtshme parcela.
Prandaj, Bogoljub Kariq përfiton dhe mbështet regjimin e Lukashenkos”, thuhet në sqarim.
Bogoljub Kariq është i lindur në Pejë dhe gjatë kohës së Millosheviqit ai bashkë me vëllain e tij, po në këtë qytet e kishin hapur një bankë me emrin “Vëllezërit Kariq”. Kariq njihej për lidhjet e tij me kriminelët serbë Millosheviq dhe Arkan, si dhe bashkëpunimin me Rusinë.
