Megjithëse i paqartë në të folurën e tij, ambasadori Martin Berishaj ka thënë se mediat po bëjnë spekulime ndaj tij.
Ai i tha Periskopit se ‘njerëzit po dojnë me bë emër në emrin e tij’, duke na kujtuar një këngë të famshme të yllit kosovar të hip-hopit, zotëri Unikkatil.
“Dua të them që këto spekulime që janë ba, i hudhi poshtë dhe ato kanë vetëm një qëllim, qëllimi kryesor i tyne ashtë të denigrohet personaliteti im, imazhi i Kosovës dhe të ndërprehen dhe të bahen cështje që nuk i ka hije dhe të futen marrëdhëniet e shkëlqyeshme të shtetit kroat, shtetit të Sllovenisë dhe njerëzit me ba emër në emër të tjetërkujt”, thotë Berishaj, duke na lënë të hapura shumë pyetje si:
-Pse mediat duhet të bëjnë emër në emër të një ambasadori?
-Pse një skandal i raportuar në media, do t’i prishte marrëdhëniet mes Kosovës – Kroacisë dhe Sllovenisë.
Si dhe shumë pyetje të tjera që mbeten pa përgjigje rreth kësaj deklarate.
