Një vit më parë, mijëra qytetarë nga të gjitha trojet marshuaj në Marshin për Drejtësi – në mbështetje të heronjve tanë të luftës dhe paqes, shkruan Scanner.
Kryetari i PDK-së, Memli Krasniqi, ka kujtuar këtë ditë përmes rrjetit Facebook, duke kujtuar çlirimtarët që po gjykohen në Hagë.
“Sot një vit – dhjetëra mijëra qytetarë të Kosovës, nga të gjitha qytetet e fshatrat, zbarkuan në sheshin e Prishtinës për të marrë pjesë në Marshin për Drejtësi – në mbështetje të heronjve tanë të luftës dhe paqes”, shkruan Krasniqi.
Postimi i plotë:
Sot një vit – dhjetëra mijëra qytetarë të Kosovës, nga të gjitha qytetet e fshatrat, zbarkuan në sheshin e Prishtinës për të marrë pjesë në Marshin për Drejtësi – në mbështetje të heronjve tanë të luftës dhe paqes.
Ballafaqimi i dinjitetshëm i çlirimtarëve tanë me drejtësinë, për pastërinë e luftës tonë për liri, po vazhdon edhe sot. Tashmë po bëhen rreth tri vite e gjysmë nga fillimi i këtij procesi.
Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre, po bëjnë atë që kanë bërë më së miri gjatë gjithë jetës – mbrojtjen e Kosovës, pavarësisht rrethanave dhe çmimit personal.
Besa, nuk ka se si të jetë ndryshe për këta burra, të cilët, përveç lirisë, s’kanë pasur një mision të dytë dhe përveç çlirimit e pavarësisë, s’kanë pasur tjetër projekt rezervë.
Një herë patriot – gjithmonë patriot.
Deri në ditën e madhe të lirisë së tyre – jemi me ta dhe krah tyre në çdo hap.
Drejtësia do të triumfojë – ashtu siç edhe dielli do të lind përsëri! 🙏
https://www.facebook.com/share/p/uyRm4tpkV47TRABs/?mibextid=oFDknk
