- Advertisement -
“Fantazisti” kroat, Ivan Rakitic është “ylli” i radhës që do të braktisë futbollin europian për milionat e arabëve. Mesfushori është me “valixhe në duar” dhe po përgatitet t’i japë lamtumirën “Andaluzianëve” të Sevilla, për t’u transferuar në Saudi Pro League te klubi i Al-Shabab.
Nënkampioni i botës me Kroacinë, në vitin 2018 do të përfitojë një pagë të majme në Arabinë Saudite, me skuadrën e Al-Shabab, që i ka garantuar plot 20 milionë euro në vit, ku përfshihen edhe bonuset e ndryshme.
Në këtë formë, 35-vjeçari e kishte të pamundur të refuzonte dhe së shpejti do të nisë aventurën e re në Arabi, aty ku do të gjejë të tjerë yje europianë si Cristiano Ronaldo, Sadio Mane, Aymeric Laporte, Kalidou Koulibaly apo Riyad Mahrez.
