Pasditen e së shtunës, në Komoran ka ndodhur një aksident i rëndë trafiku ku janë përfshirë dy kamionë. Si pasojë, njëri nga drejtuesit e automjeteve ka humbur jetën teksa po merrte trajtim në Qendrën Klinike Universitare të Kosovës (QKUK).
Policia ka bërë të ditur se aksidenti ndodhi rreth orës 16:37 dhe të dy drejtuesit e mjeteve ishin meshkuj kosovarë.
“AKSIDENT TRAFIKU ME FATALITET- Komoran, Gllogoc / 09.05.2025 – 16:37. Dy automjete transportuese (kamion) me targa vendore, me drejtues meshkuj kosovarë janë përfshirë në aksident trafiku në mes veti. Si pasojë e lëndimeve të pësuara në aksident, gjersa ishte në tretman mjekësor në QKUK ka ndërruar jetë njëri nga drejtuesit e automjetit transportues. Me vendim të prokurorit trupi i pajetë është dërguar në IML për autopsi.”
