Rey Manaj nga dje është kthyer në kryefjalë për futbollin turk, pasi sulmuesi shqiptar shkaktoi dëmtimin e Baris Alper Yilmaz, ndërsa Sivaspor përballej me Galatasarayn.
Një pjesë e madhe e komunitetit të futbollit në Turqi e konsideroi faullin e Manajt me dashje, për të dëmtuar lojtarin e kampionit turk dhe përfaqësueses të këtij vendi.
Mediat në Turqi e kanë pasqyruar të gjithë ngjarjen, që ka bërë bujë, por ajo që ra në sy është një mesazh i koduar nga babi i Baris Alper Yilmaz.
“Dua të takoj dhe padyshim që do takohemi. Dua shumë që të takoj. Të dua”, ka shkruar i ati i futbollistit të Galatasarayt në llogarinë e Manajt.
Ai pas një kohë e ka fshirë mesazhin, ndërsa federata turke ka hapur një hetim për mungesën e kartonit të kuq ndaj Manaj.
Sulmuesi shqiptar dhe pse ka deklaruar se asgjë nuk ka qenë me dashje, sërish ka mbetur në qendër të kritikave.
