“Në opozitë me sindikatat, në qeverisje shtypës të tyre”: Çitaku reagon për largimin e kryesindikalistit të minatorëve

Pas vendimit për largimin e përkohshëm nga puna të Kryetarit të Sindikatës së Pavarur të Minatorëve ka reaguar edhe nënkryetarja e Partisë Demokratike të Kosovës, Vlora Çitaku, e cila e quajti “vendim jo vetëm të padrejtë” por tha se “shpërfaq brualisht hipokrizinë e partisë shtet” referuar partisë Vetëvendosje.

Reagimi i Çitakut:

Ndërmarrja Trepça paska marrë vendim që të largojë përkohësisht nga puna kryetarin e Sindikatës së Pavarur të minatorëve dhe katër anëtarë të tjerë.

Vendimet si ky jo vetëm që janë të padrejta, por edhe shpërfaqin brutalisht hipokrizinë e partisë shtet.

Në opozitë të majtë dhe me sindikata, në qeverisje shtypësit më të mëdhenjë të tyre.