19.2 C
New York
Thursday, April 25, 2024

Buy now

Lladrovci i vetmi nga PDK-ja që mori pjesë në takimin me Kurtin: Unë jam kryetar komune dhe nuk pyes askënd

- Advertisement -

Kryetari i Drenasit, Ramiz Lladrovci është kryetari i vetëm nga PDK-ja që mori pjesë në takimin me kryeministrin Albin Kurti dhe ministrin e Administrimit dhe Pushtetit Lokal, Elbert Krasniqi.

Lladrovci  para mediave tha se nuk merr leje dhe nuk e pyet askënd për të marrë pjesë në takime të tilla.

“Unë jam kryetar i Komunës së Drenasit dhe nuk marrë as leje as nuk pyes askënd”, ka thënë ndër të tjera Lladrovci para mediave.

Kryeministri Albin Kurti në takimin e sotëm me kryetarë të komunave në Kosovë ka thënë se nuk janë të vërteta akuzat se Qeveria e Kosovës nuk po mbështet komunat që nuk qeverisen nga partia në pushtet.

Kurti në takimin e gjashtë me kryetarët e komunave ka thënë se Kurti ka shtuar se buxheti i vitit 2024 është për gati 90 milionë euro më i lartë krahasuar me vitin paraprak 2023, kurse për tri vite mandat buxheti vjetor i komunave është rritur për 195 milionë euro më shumë.

Kryeministri shtoi se secila komunë këtë vit e ka të paktën për 40% më të lartë buxhetin sesa para tre viteve, shkruan gazeta online Reporteri.net.

“Gati gjysmën e buxhetit të disponueshëm Qeveria ua ndan komunave. Po bëhet viti i dytë radhazi që rritja e buxhetit është në përqindje dyshifrore krahasuar me vitin paraprak. Buxheti i vitit 2024 është për gati 90milionë euro më i lartë krahasuar me vitin paraprak, kurse nga fillimi i mandatit, për tri vite, buxheti vjetor i komunave është rritur për 195 milionë euro më shumë.

Granti i përgjithshëm për komuna për vitin 2024, e kap shumë prej 284.7 milionë euro, granti me vlerën më të madhe ndonjëherë. Komuna e Ferizajt dhe Gjakovës janë komunat me më së shumti projekte infrastrukturore të mbështetura nga Qeveria e Kosovës, teksa ajo e Rahovecit, Obiliqit dhe Skenderajt janë renditur në top tri komunat përfituese nga granti i performancës që ndahet nga MAPL.

Secila komunë, këtë vit e ka të paktën për 40% më të lartë buxhetin sesa para tre viteve.

Këto janë shifra dhe të dhëna që i dini të gjithë, jo vetëm se i kam përsëritur unë dhe ministrat e mi, e arsyeja pse po detyrohemi ti përsërisim është se në vazhdimësi po dëgjojmë akuza e kritika për mungesë të mbështetjes së komunave nga Qeveria, ose pabarazi të mbështetjes. Asnjëra, as tjetra nuk qëndrojnë. Meqë jemi këtu, në frymë të bashkëpunimit duhet që asnjëri nga ne të mos i kontribuojmë keqinformimit të qytetarëve por të luajmë një rol aktiv të mirinformimit të tyre kur vjen puna për mbështetjen nga komunat”, tha Kurti./Reporteri.net

Të ngjashme

111,400FansaPëlqeje
12,000NdjekësitNdjek

Të fundit