Fushatës në mbështetje të produkteve vendore ju është bashkuar edhe kryetari i Komunës së Drenasit, Ramiz Lladrovci.
Lladrovci ka shpërndarë videon e kreatorit Shqipdon Salijaj i cili nëpërmjet një video kreative kishte paraqitur në mënyrë të mahnitshme mesazhin për produktet serbe.
“Kur kreativiteti ndërlidhet me të mirën dhe interesin e vendit, krenohemi dyfish më shumë. Të lumtë Shqipdon Salijaj.
Bojkoto produktet serbe”, ishte pjesë e reagimit të kryetarit Lladrovci bërë në rrjetin social “Instagram” në mbështetje të produkteve vendore dhe në mbështetje të një kreativiteti të mahnitshëm për bojkot të produkteve serbe.