Memli Krasniqi ka dhënë një deklaratë para mediave, ku ka dhënē sqarime rreth takimit me Kurtin, për zhbllokimin e ngërçit në Kuvend.
Krasniqi ka thënë se PDK mbetet në pozicionin e njëjtë, por tha se nga ana e Kurtit nuk pashë vullnet me zhblloku situatën, që i bjen me ndryshu emrin e kandidatit, shkruan Scanner.
Ai tha se PDK nuk ka propozuar asnjë emër për kryetar, sepse kjo nuk na takon.
“Kurtit i thash do të ishte mirë më mëndu për kandidatura të tjerë. Nuk na takon neve me ja zgjedh kryetarin e kuvendit. Ne s’kemi marrëveshje politike. Nuk pres ndonjë ndryshim”, tha ai pas takimit.
Ndryshe, takimi mes kryetarit të LVV-së, Albin Kurti dhe kryetarit të PDK-së, Memli Krasniqi, zgjati rreth një ore, ashtu siç ishte paraparë dhe po vazhdon në këto momente.
Kurti dhe Krasniqi u takuan të pashoqëruar nga dikush tjetër.
Akoma nuk dihet cili do të jetë rezultati i këtij takimi.
I ftuar ka qenë edhe kryetari i LDK-së, Lumir Abdixhiku, por i nëjjti refuzoi.
