Haradinaj zotohet: Në ditën kur hyjmë në NATO, unë e lë politikën

Ramush Haradinaj, ish-kryeministri i Kosovës, ka bërë të ditur se do të largohet nga politika ditën që Kosova zyrtarisht të bëhet anëtare e NATO-s.

Duke folur në “Rubikon” të Klan Kosovës, Haradinaj tha se me futjen e Kosovës në NATO kjo do nënkuponte përmbyllje të misionit politik për të.

“Për mua, në momentin që jemi anëtar të NATO-s, njëfarë mënyre për mua edhe misioni politik është përmbyll. Përjetësisht. Mund të jap këshilla e shpjegime, por do të tërhiqem nga bërja e politikës në ballë”, deklaroi Haradinaj.