Me profesion thuhet të jetë filozof, por duket që dijen kurrë s’e ka dashur; filozofia duke qenë atraksion ndaj dijes. Pse? Sepse dija rëndon ka formë të strukturuar dhe kërkon koherencë të pjesëve; e këtë – Hysamedin Feraj, këshilltar i Kryeministrit të Kosovës, Albin Kurti – nuk e zotëron.
Në një orvatje krejtësisht të çrregulluar provon të kërkojë “opozitë edhe më kundërshtuese se Albini” ndaj Asociacionit që Kurti e ka pranuar.
Diku thotë kështu, e diku ashtu, por juve lexues të dashur po ua përcjellim shkrimin “bruto” ose më mirë të themi brutal, të Ferajt:
Fort e dëshiroj, e pak e shpresoj se opozita në Kosovë do ta ndalojë me të gjitha mjetet demokratike krijimin e asocacionit të komunave me shumicë serbe, siç pati vepruar Albini.
E dëshiroj, por, përkundrazi, më heqin shpresën, sepse deri tan veç po ankohet pse është vonuar e po vonohet, dhe prapë po nga Albini!
Por, më në fund duket se janë përçarë me Vuçiqin:
Ky thotë se varianti i propozuar së fundmi e dobëson variantin Thaçi-Mustafa, opozita jonë thotë se e forcon.
Por, pastaj del se pajtohen me Vuçiqin:
Varianti Thaçi-Mustafa ka qenë më i mirë se varianti Kurti-Bislimi!
Eh, sikur të kishim një opozitë më kundërshtuese se Albini, ndaj çfarëdo varianti, dhe sidomos më të besueshme në vendosmëri, për ta ndaluar përgjithmonë ose së paku për ta zvarritur krijimin e saj, e në rast krijimi, për t’i dobësuar në maksimum variantet e deri tashëm!
Pastaj mbase i vinte radha Albinit ta kundërshtojë prapë edhe variantin e tyre, e kështu të shtyhej “në përjetësi”.
