Kryetari i Nismës Socialdemokrate, Fatmir Limaj ka vizituar ish-krerët e Ushtrisë Çlirimtare të Kosovës të cilët po mbahen në Hagë.
Limaj ka thënë se vizita e tij ishte emocionale në vigjile të 15 vjetorit të pavarësisë së Kosovës
“Emocion i veçantë që në vigjilie të 15-vjetorit të pavarësisë, t’i vizitoj dhe t’i uroj për këtë përvjetor themeluesit e UÇK-së, shpallësit e pavarësisë dhe shtetndërtimit.Miqtë dhe bashkëluftetarët e mi, Jakup Krasniqin, Hashim Thaçin, Kadri Veselin Rexhep Selimin, Nasim Haradinajn, Hysni Gucatin e Pjetër Shalen”, ka thënë Limaj.
Limaj është i bindur se ish-bashkëluftëtarët e tij do të triumfojnë dhe do të dalin fitimtarë nga ky proces gjyqësor.
“Kjo është sprova e radhës e tyre, dhe siç janë të bindur ata në triumfin e drejtësisë, ashtu jemi të bindur edhe ne se do të dalin fitimtarë e faqëbardhë nga ky proces gjyqësor”, thotë Fatmir Limaj.
https://m.facebook.com/story.php?story_fbid=763660928457002&id=100044393050508&mibextid=Nif5oz
