Përleshjet mes miqve e familjarëve në vendin tonë nuk janë të rralla dhe në shumicën e rasteve përfshihen edhe familja e nuses dhe e dhëndrit. Për motive të ndryshme, shumë prej tyre përfundojnë në Polici, ku kërkojnë ndihmë për zgjidhjen e telasheve.
Kështu ka ndodhur edhe mbrëmë në një banesë në rrugën “Bukureshti” në Pejë, ku një person bashkë me dy djemtë e tij kanë sulmuar fizikisht dhëndrin e tyre, bashkëshortin e vajzës/motrës, të cilin e bënë për spital.
Sinjali mëson se rasti ka ndodhur të dielën pasdite dhe motivi i konfliktit mes tyre që eskaloi në dhunë fizike dyshohet të jetë një mosmarrëveshje që viktima e kishte pasur me bashkëshortin e saj. Sipas informacioneve që ka Sinjali, të dyshuarit fillimisht e kishin ftuar te banesa e tyre dhëndrin, e më pas e kanë rrahur me grushte, shqelma e një shufër, duke i shkaktuar lëndime trupore.
