Presidentja e Greqisë, Katerina Sakelaropoulou, në një intervistë për një gazetë serbe deklaroi se qëndrimi i vendit të saj që është njëra nga pesë shtetet brenda Bashkimit Evropian që nuk e njeh Kosovën mbetet i njëjtë.
Takime të shumta pati në mes Kosovës dhe Greqisë.
Kjo dha shpresë se nga ky shtet mund të këtë një njohje.
Por, këtë të hënë edhe kjo shpresë u shua, pasi që presidentja e këtij vendi tha se nuk do e njohin pavarësinë e Kosovës.
Megjithatë, kryetarja e komisionit për punë të Jashtme, Arbëresha Kryeziu pret njohje nga pesëshja e Bashkimit Evropian.
Kryeziu shton se fillimisht mjafton përmirësimi i raporteve bilaterale.
Por, fajin për mosnjohjen nga Greqia, opozita po ia lë Qeverisë.
Ndërkohë, edhe njohësit e çështjeve ndërkombëtare përmendin tre arsye pse ka stagnuar procesi i njohjeve.
Njohja e fundit e Kosovës ka ardhur nga Izraeli pas marrëveshjes së Uashingtonit, kurse Kosovën zyrtarisht deri më tani e njohin 117 shtete.
