27.1 C
New York
Wednesday, May 22, 2024

Buy now

Berisha: Kosova kurrë s’ka qenë në agjendë për anëtarësim në KiE, spekulim për mbulim të dështimeve

- Advertisement -

Deputeti i Partisë Demokratike të Kosovës, Hisen Berisha, i quan spekulime deklarimet e qeveritarëve se për shkak të refuzimit të dërgimit të draftit të Asociacionin në Kushtetuese, Kosova rrezikon anëtarësimin në Këshill të Evropës.

Berisha ka deklaruar për Ekonomia Online se mospërfshirja në agjendë është çështje e brendshme e Këshillit të Evropës, ndërsa raportin e Doris Bakoyannis, e quan negativ pasi në të përfshihet dhënia e pronave Manastirit të Deçanit.

“Unë mendoj se të gjitha këto që po qarkullojnë nëpër media me deklaratat e përfaqësuesve politik, përfshirë edhe kryeministrin janë thjeshte ajo loja brenda ‘kazanit’ se gjoja kryeministri po refuzon dhe tash në emër të refuzimit të kryeministrit nuk është në agjendën e Këshillit të Evropës dhe a do ta trajtojnë ajo në takimin e 16 majit në Këshillin e Ministrave të gjitha këto janë në nivelin e spekulimeve, spekulime mediale që mund të lidhen dhe ndikojnë nga elektorati dhe ato që i quan ky kushtimisht ‘analfabet funksional’, që e besojnë edhe lojën e fjalëve të tij”, u shpreh Berisha.

Deputeti i PDK-së, thotë se Kosova asnjëherë nuk ka qenë në agjendë për t’u anëtarësuar në KiE. Të vetmen herë sipas tij kur ishte në agjendë, ka qenë vendimi për dhënien e tokës Manastirit të Deçanit.

“Përndryshe çështja e mospërfshirjes në agjendë është çështje e brendshme e agjendës së Evropës të cilët nuk e kanë më Kosovën pjesë të saj. Atëherë kur u përfshi Kosova ishte çështja e raportit të zonjës Bakoyannis  i cili nuk ishte raport pozitiv për Kosovën por u bë i tillë për shkak të plotësimit të kushtit nga kjo Qeveri për shkak të vendimit për implementimin vendimit të Gjykatës Kushtetuese që ishte ende në proces kontestimor për dhënien e pronave të manastirit të Deçanit i cili ishte ende në proces kontestimor për dhënien e pronave të Manastirit,  të cilat i ka fituar në kohën e regjimit të Millosheviqit. Edhe pse po mundohet me u mbulua me teoritë e agrarit e ku ta di. Agrari çdo tokë që e ka marrë e ka kthyer në njësi tjera ekonomike që janë krijuar atëherë, andaj edhe kjo afera se gjoja s’po përfshihet në agjendë për shkak të kushtëzimit i bëri  qeveria”.

“Një pyetje shumë e thjeshtë, në letrën e dërguar zonjës Doris Bakoyannis çfarë është deklaruar nga tre liderët e vendit, a janë pranuar të gjitha kushtet përfshirë Asociacionin në veçanti, tani po mundohet të thuhet pasi të hyn Kosova në Këshillin e Evropës, jo nuk është e vërtetë sepse në tetorin e vitit të kaluar është pranuar Asociacioni të implementohet si organizim administrativ territorial i komunave që kanë shumicë serbe dhe objekteve religjioze që kanë prona, prandaj edhe pranimi i statusit më pastaj të gjitha këto janë në nivelin e spekulimeve të kryeministrit i cili bën lojëra fjalësh me media dhe anëtarët e kabinetit tij që i konsideron njerëz të paaftë e që i manipulon e që është për efekte elektorale”, u shpreh Berisha.

Të ngjashme

111,400FansaPëlqeje
12,000NdjekësitNdjek

Të fundit