Një grua autike ka ngritur një padi kundër Nick Carter , i cili u bë i famshëm në mbarë botën si anëtar i grupit Backstreet Boys. Mediat e huaja i quajnë deklaratat e dhëna në një konferencë për shtyp tronditëse.
“Pavarësisht se jam autike dhe jetoj me paralizë cerebrale, ndjej se asgjë nuk ka pasur një ndikim afatgjatë në jetën time sa veprimet dhe fjalët e Carter kundër meje” , shprehet 39-vjecarja.
“Vetëm sepse Nick Carter është një njeri i famshëm nuk do të thotë se ai është i shfajësuar nga krimet e tij”, ka vijuar më tej Shannon ‘Shay’ Ruth.
Ajo pretendon se muzikanti i njohur amerikan ka abuzuar seksualisht me të kur ajo ishte vetëm 17 vjeç. Duke folur për Page Six pas ngritjes së padisë, avokati i Carter i quajti akuzat e mësipërme “absolutisht të pavërteta”.
Vlen të theksohet se kjo nuk është hera e parë që një grua akuzon Carterin për sulm seksual. Në vitin 2017, Melissa Shuman , një ish-anëtare e grupit muzikor Dream, pohoi se Carter abuzoi me të seksualisht kur ajo ishte 18 vjeç dhe ai ishte 22.
