Aleanca sot dorëzon kallëzim penal ndaj Qeverisë në detyrë

Aleanca do të dorëzojë sot kallëzim penal në Prokurorinë Speciale në Prishtinë ndaj Qeverisë në detyrë, lidhur me vendime që kjo parti i vlerëson si antikushtetuese.

Sipas njoftimit të Aleancës, kallëzimi penal do të dorëzohet në orën 09:30.

Pas dorëzimit të kallëzimit, përfaqësuesit e Aleancës do të deklarohen për media dhe pritet të japin më shumë detaje lidhur me pretendimet e partisë.

Megjithatë, Aleanca nuk ka specifikuar se cilat vendime të Qeverisë në detyrë i konsideron antikushtetuese dhe për të cilat do të kërkojë përgjegjësi përmes kallëzimit penal.