- Advertisement -
Nënë e bir kanë humbur jetën, ndërsa 5 persona të tjerë kanë mbetur të lënduar, si pasojë e një aksidenti të rëndë që ka ndodhur ndodhur mëngjesin e sotëm në aksin rrugor Elbasan-Peqin, në fshatin Paulesh.
Policia tha se furgoni që drejtohej nga shtetasi A. B., 44 vjeç, është përplasur me automjetin tip “Benz”, me drejtues shtetasin K. Sh.
Si pasojë e përplasjes kanë humbur jetën drejtuesi i automjetit tip “Benz” shtetasi K. Sh., dhe shtetasja F. Sh., 55 vjeçe, pasagjere në këtë automjet.
Gjithashtu, janë dëmtuar drejtuesi i furgonit, shtetasi A. B., dhe 4 pasagjerë që udhëtonin me furgon, të cilët janë transportuar në spital për ndihmë mjekësore dhe janë jashtë rrezikut për jetën.
