Ka ardhur në jetë fëmija i dytë i Khloé Kardashian dhe ish-partnerin e saj Tristan Thompson.
Djali ka ardhur në jetë përmes një nëne surrogate. Lajmet se dyshja do të bëheshin sërish prindër dolën më 13 Korrik vetëm shtatë muaj pas ndarjes së tyre të fundit.
Vlen të theksohet se 38-vjeçarja dhe 31-vjeçari, nuk janë së bashku, por ata komunikojnë për rritjen e vajzës së tyre True.
Ylli i “Kardashians” mirëpriti True në Prill 2018, një vit pasi atleti u bë baba i djalit Prince, tani 5 vjeç, me ish-partneren e tij Jordan Craig.
Ndërsa Kardashian dhe Thompson u ndanë në Shkurt 2019 pas skandaleve të shumta për tradhti nga ana e tij, ata u pajtuan në vitin 2020, por besnikëria e lojtarit të NBA-së nuk zgjati shumë duke e çuar çiftin sërish në ndarje.
