Tre të lënduar në një aksident trafiku në rrugën Prishtinë – Gjilan

Një aksident i rëndë trafiku ka ndodhur në rrugën Prishtinë-Gjilan.

Si pasojë e këtij aksidenti janë lënduar tre persona.

Zëdhënësja e policisë për Rajonin e Prishtinës, Flora Ahmeti ka thënë se në aksident janë përfshirë dy automjete.

“Rreth orës 19:00 kemi pranuar informatën se në rrugën Prishtinë – Gjilan, saktësisht në fshatin Slivovë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar tre persona. Me rastin po merret njësiti i trafikut”, ka thënë ajo.