Emisari i Bashkimit Evropian për Dialogun Kosovë-Serbi, Miroslav Lajçak, ka dhënë një përditësim në “X” pas takimit me emisarin amerikan për Ballkanin Perëndimor, Gabriel Escobar, si dhe me kryekëshiltarët diplomatikë nga Gjermania e Franca, Emmanuel Bonne, Jens Plötner.
Lajçak njoftoi se takimi u karakterizua me “konsultimeve intensive dhe shumë thelbësore” të mbajtura me këshilltarët kryesorë diplomatikë.
Diskutimet u fokusuan në hartimin e hapave të ardhshëm në zbatimin e Marrëveshjes për Rrugën drejt Normalizimit dhe situatën në veri të Kosovës, ka thënë Lajçak.
Postimi:
Konsultime intensive dhe shumë thelbësore me kryekëshilltarët diplomatikë Bonne, Plötner, Talo dhe Escobar.
Diskutuam hapat e ardhshëm në zbatimin e Marrëveshjes për rrugën drejt normalizimit dhe situatën në veri të Kosovës. Faleminderit për mbështetjen e plotë.
