Raporti i BERZh: Kosovarët shumë më të lumtur se shqiptarët

Banka Europiane për Rindërtim dhe Zhvillim (BERZH), ka vendosur shqiptarët e Shqipërisë në një nivel më të ulët të ‘ndjenjës së kënaqësisë’ në vitin 2022 krahasuar me gjashtë vitet e kaluara. Nga ana tjetër, Kosova ka perjetuar një rritje të dukshme.

Kosova, Mali i Zi dhe Greqia kanë shënuar një rritje të dukshme. Përjashtimi i vetëm është Shqipëria, ku ky rezultat ka mbetur pak a shumë i pandryshuar

Rezultatet e kënaqësisë janë rritur me kalimin e kohës në shumicën e ekonomive, thuhet në raport.

Ndërkohë, përqindja e njerëzve të kënaqur në Greqi është dyfishuar që nga viti 2016, duke reflektuar përmirësime dramatike në situatën ekonomike të vendit gjatë gjashtë apo shtatë viteve të fundit.