Të gjithë prindërit dëshirojnë që të rrisin fëmijë me inteligjencë të lartë emocionale. Psikologia Roni Cohen-Sandler shpjegoi se ka një mënyrë për t’i ndihmuar fëmijët, duke filluar nga një moshë shumë e re dhe çelësi është i thjeshtë por i nevojshëm: konfirmimi.
Është e nevojshme t’u japim fëmijëve konfirmimin që u nevojitet, t’u shpjegojmë se ndjenjat e tyre kanë rëndësi. Kjo nuk do të thotë se ne do t’i përgëzojmë pavarësisht se çfarë bëjnë, por do t’u tregojmë se si i dëgjojmë, i respektojmë, i kuptojmë dhe i pranojmë, shkruan abcnews.al
Kontakti fizik
Kur fëmija ynë nuk është mirë, përqafimi do të ndikojë menjëherë në psikologjinë e tij. Hulumtimet kanë treguar se kontakti fizik si një përqafim vepron pothuajse në mënyrë terapeutike, pasi ul presionin dhe e bën të ndihet i sigurt.
Cilësia është më e rëndësishme se sasia
Është e rëndësishme t’u tregojmë fëmijëve se është më mirë të kemi marrëdhënie domethënëse. Megjithëse shumica e njerëzve mendojnë se nëse janë të njohur, veçanërisht në shkollë, do të ndihen më pak të vetmuar, popullariteti është shpesh i paqëndrueshëm dhe i vështirë për t’u ruajtur. Të shumtët do të largohen në pengesën e parë, ndërsa të paktët do të mbeten të rëndësishëm.
Jepuni shpresë
Është e nevojshme që t’i mësojmë fëmijët se fazat e këqija të jetës nuk zgjasin përgjithmonë. Gjithçka do të shkojë mirë në fund, vetëm të jenë të durueshëm. Çdo gjë kërkon kohë dhe duhet të mësojnë të përshtaten me situatat deri sa të përmirësohen.
