Presidenti i Federatës së Futbollit të Kosovës (FFK), Agim Ademi, gjatë vizitës në Gjermani ka vizituar një kompani në Münster të specializuar në prodhimin e ulëseve për stadiume.
Ademi bëri të ditur se vizita është pjesë e përgatitjeve për procesin që FFK-ja pritet ta nisë së shpejti për sigurimin e ulëseve për stadiumin qendror të Kampit Nacional të FFK-së në Hajvali.
Sipas tij, ulëset e prodhuara nga kompania përmbushin standardet më të larta evropiane, ndërsa synimi i FFK-së është që çdo element i projektit të jetë në përputhje me standardet moderne dhe kërkesat për infrastrukturën sportive.
“Vazhdojmë me përkushtim për ta ndërtuar një infrastrukturë moderne për futbollin e Kosovës”, ka shkruar Ademi.
Postimi i plotê:
Gjatë vizitës në Gjermani, pata mundësinë të vizitoj një kompani të specializuar në prodhimin e ulëseve të stadiumeve në Münster, të cilat përmbushin standardet më të larta evropiane.
Kjo vizitë është pjesë e përgatitjeve tona për procesin që Federata e Futbollit e Kosovës do ta nisë së shpejti për sigurimin e ulëseve për stadiumin qendror të Kampit Nacional të FFK-së në Hajvali.
Synimi ynë është që çdo detaj i këtij projekti të jetë në përputhje me standardet moderne dhe kërkesat më të larta për infrastrukturën sportive.
Vazhdojmë me përkushtim për ta ndërtuar një infrastrukturë moderne për futbollin e Kosovës.
#MeFutbollinPërKosovën
