Agim Ademi ka përgëzuar Kombëtaren e Kosovës për fitoren e rëndësishme ndaj Bullgarisë (2:1), në kuadër të Ligës C të kualifikimeve për Botërorin 2027.
Ai theksoi se “Dardanet” vazhdojnë shkëlqimin, duke regjistruar një tjetër triumf me përmbysje në Stadiumi Fadil Vokrri, shkruan Scanner.
Sipas Ademit, goli në frymën e fundit nga kapitenja Erëleta Memeti vulosi një fitore të merituar, ndërsa Blerta Smaili hapi rrugën e rikthimit duke barazuar rezultatin.
Ai vlerësoi karakterin, shpirtin garues dhe vendosmërinë e lojtareve, duke theksuar se kjo fitore është një hap i rëndësishëm drejt objektivit për promovim në Ligën B.
Në fund, Ademi përgëzoi ekipin dhe stafin teknik për përkushtimin dhe profesionalizmin, duke i inkurajuar të vazhdojnë me të njëjtin ritëm.
Postimi i plotê:
Urime fitorja Dardane! 🎉⚽️🇽🇰👏👏
Kombëtarja e Kosovës vazhdon shkëlqimin në Ligën C të kualifikimeve për Botërorin 2027, duke regjistruar një tjetër fitore të madhe në stadiumin “Fadil Vokrri”, sërish me përmbysje të rezultatit ndaj Bullgarisë (2:1).
Goli në frymën e fundit shijon gjithmonë më shumë dhe kështu ndodhi edhe sonte, kur kapitenja Erëleta Memeti realizoi në momentet vendimtare për të vulosur fitoren. Më herët, rrugën drejt përmbysjes e hapi Blerta Smaili, duke rikthyer besimin dhe energjinë në ekip.
Vashat tona treguan karakter të jashtëzakonshëm, shpirt gare dhe vendosmëri për të mos u dorëzuar deri në sekondat e fundit.
Kjo fitore është një tjetër hap i rëndësishëm drejt objektivit për promovim në Ligën B.
Përgëzime për lojtaret dhe stafin teknik për përkushtimin dhe profesionalizmin!
Vazhdoni kështu me zemër e besim për Kosovën! 🇽🇰
#MeFutbollinPërKosovën ⚽️🇽🇰
