Portieri i kombëtares së Austrisë, Alexander Schlager ka folur pasi ndeshja me Kosovën u mbyll me barazim.
Ndeshja në “Fadil Vokrri” u mbyll me shifrat prej 1-1.
Schlager e vlerësoi paraqitjen e Kosovës, duke thënë se treguan disiplinë.
“Nuk është e lehtë të luash këtu. Duhet të jemi të kënaqur me pikën. Kosova luajti me disiplinë të madhe. E dimë nga Kupa e Botës se i lejojmë kundërshtarët shumë shpesh në situata për gjuajtje nga zona. Kosova bëri mirë në këtë aspekt. Luftuam dhe u kthyem në lojë. E kemi dhënë më të mirën në katër ndeshjet. Do ta marrim me vete këtë eksperiencë në të ardhmen”, ka thënë Schlager.
Austria e Schlager renditen të parët në grupin B3 të Ligës së Kombeve.
Ata kanë tetë pikë të grumbulluara nga katër ndeshje, teksa Kosova ka pesë pikë.
