19.2 C
New York
Saturday, June 3, 2023

Buy now

Policia gjobit dy shoferë, që kishin vozitur mbi 200 km/h në zonën ku kufizimi i shpejtësisë është 100 km/h

Policia ka njoftuar se dje në rrugën Prishtinë- Pejë, në fshatin Kijevë, me anë të laserit për matjen e shpejtësisë kanë identifikuar dy automjete, ngasësit e të cilave në këtë segment rruge ku kufizimi i shpejtësisë është 100km/h zhvillonin shpejtësi prej 218km/h dhe 226km/h.

Ata janë gjobitur me 300 euro, 3 pikë negative dhe i është ndaluar vozitja për 3 muaj.

Mund të jetë një imazh i 1 person, rrugë dhe teksti

Komunikata e plotë:

Drejtuesve të automjeteve që zhvilluan shpejtësi dyfish më të lartë se sa shpejtësia e lejuar iu shqiptohet gjobë dhe iu ndalohet drejtimi i automjetit në territorin e Republikës së Kosovës.

Gjakovë, 27.03.2023

Njësia Rajonale e Komunikacionit Rrugor në Gjakovë, gjatë realizimit të detyrave dhe kontrollit të trafikut në rrugën Pejë-Prishtinë në fshatin Kijevë, me datën 26.03.2023, me anë të laserit për matjen e shpejtësisë kanë identifikuar dy automjete, ngasësit e të cilave në këtë segment rruge ku kufizimi i shpejtësisë është 100km/h zhvillonin shpejtësi prej 218km/h, respektivisht 226km/h.

Bazuar në dispozitat e Ligjit për Rregullat e Trafikut Rrugor, ndaj dy drejtuesve të automjeteve janë shqiptuar gjoba prej 300 euro, 3 pikë negative si dhe masa mbrojtëse-ndalimi i drejtimit të automjetit në territorin e Republikës së Kosovës për tre (3) muaj.

Njësia Rajonale e Komunikacionit Rrugor do të vazhdojë me marrjen e masave preventive dhe ndëshkuese në vazhdimësi ndaj shkelësve të ligjit në trafikun rrugor.

Drejtoria Rajonale e Policisë-Gjakovë apelon tek shoferët e automjeteve që të respektojnë shpejtësinë e lëvizjes dhe rregullat e komunikacionit rrugor, në mënyrë që të jenë kontribuues aktivë në rritjen e sigurisë në rrugë.

Të ngjashme

105,454FansaPëlqeje
12,000NdjekësitNdjek

Të fundit