Policia e Kosovës ka njoftuar se ka arrestuar një person të kërkuar me urdhër arrest ndërkombëtar në Prishtinë.
Sipas policisë, arrestimi është realizuar më 10 maj 2026 nga Drejtoria për Bashkëpunim Ndërkombëtar Policor, në koordinim me njësitë policore të rajonit të Gjakovës.
Personi i arrestuar, shtetasi kosovar me inicialet H.M., kërkohej nga INTERPOL-i mbi bazën e një urdhër arresti ndërkombëtar të lëshuar nga autoritetet e Shqipërisë, nën dyshimin për përfshirje në veprën penale “Vjedhje e rëndë”.
Me urdhër të Prokurorit Kujdestar, i dyshuari është dërguar në ndalim policor për 48 orë, ndërsa autoritetet kanë bërë të ditur se procedurat e mëtejme ligjore do të vazhdojnë në koordinim me institucionet kompetente.
Policia e Kosovës ka ritheksuar përkushtimin për bashkëpunim ndërkombëtar policor dhe zbatimin e urdhër arresteve ndërkombëtare në funksion të luftimit të krimit dhe forcimit të sundimit të ligjit.
