- Advertisement -
Ka përfunduar debati rreth audio-incizimit të shefes së grupit parlamentar të Levizjës Vetëvendosje, Mimoza Kusari-Lila me kriminelin Milan Radoiçiq.
Në këtë seancë të thirrur nga opozita, nuk mori pjesë mazhoranca, Vetëvendosje.
Derisa në këtë seancë mungoi po edhe Lista Serbe, gjë e cila u vu në pah nga deputeti Haki Abazi. Ndonëse në mungesë të pushtetit, tri partitë opozitare – PDK, LDK dhe AAK – kanë pasur fjalor të ashpër gjatë kritikave për këtë bisedë. Biseda u quajt “tradhti kombëtare”, ndër të tjera.
Po ashtu, në diskursin e tri partive opozitare u vërejtë një gjë interesante. PDK-ja, LDK-ja dhe AAK-ja besojnë që biseda mes Kusari – Lilës dhe Radoiçiqit është bërë me urdhrin dhe lejën e kryeministrit Albin Kurti.
